ह्या वर्षा विशेषांकाच्या वाचनाकरता येणार्‍या वाचकांचे स्वागत आहे.
देवेंद्र चुरी लेबल असलेली पोस्ट दाखवित आहे. सर्व पोस्ट्‍स दर्शवा
देवेंद्र चुरी लेबल असलेली पोस्ट दाखवित आहे. सर्व पोस्ट्‍स दर्शवा

कधी वाटल नव्हतं

17 प्रतिक्रिया
तुला पहिल्या वेळी पाहिल्यावर

पुढे असं काही होईल, कधी वाटल नव्हतं

तू मला भेटण्याआधी खरंतर

प्रेम म्हणजे काय कधी कळलंच नव्हतं



गर्दीत एकटा दिवस पुढे ढकलतांना

जीवनात अशी बहार येईल, कधी वाटल नव्हतं

खरंच तुझ्या भेटीनंतर जाणवलं

आजवरचं जगण हे तर जगंणच नव्हतं



तुझ्या प्रत्येक गोष्टीत

मी असा गुंतेन, कधी वाटलं नव्हतं

तुझ्या त्या अथांग नजरेत हरवून

कसा तुझाच होत होतो हे समजतच नव्हतं



तुझा सहवास, तुझा तो स्पर्श

असं वेड लावेल, कधी वाटलं नव्हतं

तुफ़ान पावसांतही कोरडा राहणारा मी

हलक्या सरीतही कसा भिजत होतो उमगतच नव्हतं



व्याकुळ होऊन तुझी वाट पाहतांना

कोणासाठी असा झुरेन, कधी वाटल नव्हतं

आपल्या दुराव्याचा तो एक एक क्षण

असा मरणासारखा छ्ळेल हे खरंतर पटतंच नव्हतं



माझ्या जीवनात कोणी अस हळुवार येऊन

माझ जीवनच बनून जाईल, कधी वाटल नव्हतं

अन माझ्या जीवनातील वाळवंटाची अशी बाग होतांना

अचानक मला जाग येईल असंही कधी वाटल नव्हतं.....



कवि: देवेंद्र चुरी
http://davbindu.wordpress.com/